energikrise.no

Desse sidene er laga av nokre individ som er interesserte i energisituasjonen i verda. Det er såleis ingen organisasjon som står bak. Vi meiner at dette er den mest underrapporterte saka i verda i dag.På ein skala frå ein til ti, gjev Matt Simmons (omtala annanstads) global oppvarming ein 3'ar når det gjeld alvor i situasjonen. Samstundes gjev han "Peak Oil" verdien 12 på same skala. Vi går ikkje akkurat god for denne rangeringa, men at det er og vil bli ei stadig viktigare sak framover, er vi overtydde om.

Siktemålet er å gje grunnleggande informasjon om temaet "energikrise", om utfordringane verda står overfor når oljeutvinninga i verda tek til å gå nedover. Det fins mengder av nettstader som omhandlar dette, men lite på norsk. For folk som ikkje trivst med å lese engelsk eller andre framandspråk, håpar vi denne nettstaden vere til nytte.

Vi vil også prøve å kome med noko informasjon om olje- og gassutvinninga på norsk kontinentalsokkel.

Begge målformer vert nytta. Dei som har kognitiv kapasitet til å tileigne seg stoffet, bør også kunne forstå nynorsk.

Vi ser oss ikkje syn med å starte nokon organisasjon for å arbeide med desse spørsmåla, men ser gjerne at andre gjer det...

Ansvarleg for nettstaden er Olav Hauso. Eg redigerer etter "ver varsam"-plakaten. Sjølve stoffet bør ikkje handsamast med altfor mykje varsemd..