Dokumentar produsert av Tropos Dokumentar, Oslo. Produsent/regissør/fotograf er Amund Prestegård.

Format: DVD
Ekstra plate med norsk tekst
Lengd : 28 minutt
Pris : 140,- kroner

Kort om filmen:

Gjennomgangsfigur er Colin Campbell. Han tek oss mellom anna med til Stavanger, der han forklarer dei ulike fasane i oljeutvinninga i eit felt: Funn, aukande og deretter minkande produksjon. Han viser at dette er eit mønster som vil gjenspegle seg i den globale oljeproduksjonen, og det om ikkje lenge..

Richard Webb er finansiell risikoanalytikar. Han ser klare teikn på at ojemarknaden nærmar seg eit ytterpunkt, der "småhendingar" får eit uforholdsmessig stort utslag i oljeprisen.Han understrekar at dramatikken ikkje i første omgang er knytt til når vi går tomme for olje, men den dagen der er mindre i morgon enn i dag..

Olve Torvanger er petroleumsgeolog. Han konstaterer at trass i meir sofistikert leiteutstyr, finn ein stadig mindre.

Matthew Simmons uttrykkjer uro for at vi kan gå øydeleggande tider i møte dersom vi ikkje snarast tek energiutfordringane på alvor.

Aage Figenschou er norsk styremedlem i Simmons & Co.Han forklarer at "Peak Oil" ikkje tyder kø ved bensinpumpene neste dag. Men det vil innebere eit konstant press mot aukande prisar.

Chris Skrebowski spår mykje sterkare innvolvering av offentlege styresmakter. Kanskje direkte rasjonering..

I det heile er filmen ei kortfatta og konsis innføring i "Peak Oil". Høgst sjåverdig!